منحة DAFI
Albert Einstein German Academic Refugee Initiative Fund
أعلنت الحكومة الألمانية عن 2500 منحة دراسية إضافية للمرحلة الجامعية مخصصة للطلاب اللاجئين السوريين في تركيا، لبنان، الأردن، وشمال العراق.
المنحة غير مخصصة للطلاب المقيمين في ألمانيا أو أوروبا، وإنما متاحة فقط للطلاب المسجلين لدى المفوضية العليا للأمم المتحدة للاجئين.
رابط المنحة : http://www.unhcr.org/
المنحة حصرا لإنه الطالب يدرس ببلد اللجوء الي هوي فيه ... بما إنه عدد المتقدمين كبير فلهيك في شروط رئيسية لازم يحققها المتقدم :
1- لاجئ ومسجل بالمفوضية
2- مخلص شهادة ثانوية معادلة لبلد اللجوء الي هوي فيه أو مقدم البكالوريا ببلد اللجوء
3- عمره تحت ال 28 سنة
4- اختيار كورس الجامعة يكون مدته 3 أو 4 سنين والأولوية للاختصاصات الي فيها خدمة لبلد اللجوء أو بلدك في حال الرجوع لإله
5- مانه مستفاد من أي منحة تانية
رح تنعطى أولوية وتشجيع للإناث , المعاقين , الطلاب الي كانوا بادئين بجامعة بس اضطروا يتركوها بسبب الحرب
المنحة رح تنعطى لطالب واحد من العيلة , يعني ما رح تنعطى لأخين من نفس العيلة
الطلاب الي بيختاروا كورسات جامعة غير مكلفة وإلها فرص عمل عالية متل computer studies, paramedical and teaching professions وغيرها
لازم المتقدم يشرح بتفصيل وبوضوح سبب اختياره لهي الجامعة وفرصها المستقبلية ببلد اللجوء أو كيف تخدم بلده في حال رجع عليه
المتقدم الي لسى ما حصل على قبول لجوء ما بيقدر يقدم لهي المنحة للأسف
التقديم : حصرا لمكاتب ال UNHCR الي بالبلد المتواجد فيه اللاجئ
لهيك الافضل تمرقوا ع هي المكاتب وتستفسروا منهم عن كل التفاصيل
بيقدر الطالب اللاجئ كمان يقدم لمنحة جزئية في حال قدران يغطي بعض التكاليف بنفسه
المنحة بتنعطى لسنة وحدي وتجدد سنويا حسب أداء الطالب خلال السنة الدراسية , في حال حمل أكتر من مادة أو رسب بالسنة فلمنحة بتتوقف تلقائيا وما بتجدد
وفي كتير عوامل متل الغش بالامتحانات أو الطالب ما بعت تقارير دائمة عن دراسته أو طلع عند الطالب مصدر لمنحة تاني ... كمان بتأدي لإلغاء المنحة
المنحة ما بتغطي الدراسات العليا متل الماستر أو الدكتوراه لكن في استثناء ل المعلمين الي بحبوا يعملوا كورسات مؤقتة ليدعموا فيها اللاجئين
إرسال تعليق